Кирацовски: ВМРО-ДПМНЕ бадијала се храбрат, јасно е дека губат
Објавено во: Македонија 21 Април, 2019
На пребројани повеќе од половина од гласачките места, Стево Пендаровски е во водство пред противкандидатите. Очекувана е победата на Пендаровски во првиот круг.
Предноста на Стево, кандидатот поддржан од сите етнички
заедници, ќе значи сигурна победа во вториот изборен круг, во фер и демократска
атмосфера-рече на прес конференцијата шефот на
изборниот штаб на Стево Пендаровски , Александар Кирацовски.
Тој без да ги набројува местата во кои води кандидатот на СДСМ и коалицијата Заедно напред кажа дека ВМРО-ДПМНЕ бадијала се храбрат.
„Јасно е дека губат во првиот и дека ќе загубат и во
вториот изборен круг.
Нашата Македонија ќе добие вистински претседател на сите граѓани, Стево Пендаровски ќе биде идниот претседател на државата“, рече Кирацовски.