Кирил Петков вели дека неговата посета на Македонија била ужасно задоцнета
Објавено во: Македонија 02 Февруари, 2022
Премиерот на Бугарија, Кирил Петков има спротивен став од претседателот Румен Радев, кој го прекори дека неговата посета на Скопје била „избрзана“.
Петков вели дека посетата на Скопје „не само што не беше избрзана, туку и ужасно задоцнета“.
„Вистината е дека изгубивме 30 години во овие односи. Не само што не се брзаше со мојата посета туку беше ужасно задоцнета. Жал ми е што пропуштивме толку многу години и немаше да поднесеме да доцниме уште неколку дена. Има многу сили на Балканот кои не сакаат Северна Македонија да биде дел од Европската унија. Нестабилен Балкан во оваа геополитичка ситуација има предности за земјите кои не ни мислат добро“, рече Петков.
Тој рече дека е добро што надворешната политика на Македонија и Бугарија зависи од премиерите на земјите.
Инаку, Бугарија ќе гради два магистрални патишта кон Македонија и Турција.