Ќе имаме попис по нов метод кој веќе се применува во светот
Објавено во: Македонија 10 Октомври, 2020
Првиот човек на Државниот завод за статистика Апостол Симовски во „10 МИНУТИ“ на ТВ21 изјави дека пописот ќе биде реализиран по сосема нов метод во нивната практика.
Но, овој метод не е нов во светот.
„Пописот ќе биде по сосема нов метод во нашата практика, не е нов во светот. Истовремено ќе се прашува на терен, ама ќе се користат и податоци коишто ги имаме задржани во базата на податоци коишто постојат во државата, тука мислам на официјалните бази на податоци. Пописот нема да оди на хартиени прашалници туку на електронски прашалник“, изјави Симовски.
Опозицијата барала тој прашалник да има дупликат од секој што ќе даде податоци.
Попис треба да има во 2021 година.
Пописот во Македонија е клучно политичко прашање, врзано со Рамковниот договор, но и со економијата, велат од ВМРО-ДПМНЕ.