Ќе проработи ли конечно третиот блок на РЕК Битола? Купен трансформатор за 6,5 милиони евра
Објавено во: Економија 26 Август, 2022
АД ЕСМ со директно преговарање без објавен оглас купи трансформатор од 425 киловолти за 5,5 милиони евра (плус 1 милион евра ДДВ) за да може да работи третиот блок на РЕК Битола и да произведува електрична енергија за време на енергетската криза. Од како е изграден РЕК Битола, ова е прв пат за 40 години да се купува нов трансформатор.
Минатата година во екот на високите цени на струјата, АД ЕСМ се обиде да го вклучи третиот блок по низа направени ремонти, но стариот трансформатор се запали во ноември минатата година. Хаварија доживеа и во август претходно. На почетокот на годинава пак раководството на „Електрани“ објави дека трансформаторот ќе се демонтира и дека ќе се носи на поправка.
Договорот ЕСМ го вклучи со Actael N Ltd од Софија, а за преговарањето без објавен оглас е добиено позитивно мислење од Бирото за јавни набавки поради итноста на потребата. Бугарскиот оператор, кој ќе работи заедно со турски подизведувач. има рок од 110 дена да го демонтира стариот блок трансформатор и да го монтира и пушти во работа новиот.
Гаранцијата на исправноста изнесува 5 години, а ЕСМ треба да му плати аванс на операторот од 1,1 милиони евра. Во договорот има и услови за плаќање на пенали од страна на Бугарите доколку трансформаторот генерира загуби.
Поради неработењето на третиот блок, Владата ургентно мораше да ги активира ТЕЦ Неготино и РЕК Осломеј, затоа што увозот на електрична енергија поскапе неколкукратно. Вклучувањето на третиот блок на РЕК Битола беше замислено како обид да се олесни енергетската криза, но до тоа никогаш не дојде.
Пред две недели генералниот директор на АД ЕСМ, Васко Ковачевски, рече дека во планот на претпријатието е од почетокот на ноември до 30 април додека трае грејната сезона, РЕК Битола да работи со три блока, односно со максимален капацитет.
Александар Кузмановски
* Наградата се доделува на котирано друштво, избрано со гласање преку онлајн анкета на веб страниците на Берзата и интернет порталот „Фактор“, кој е партнер на Берзата во доделувањето на оваа награда. Гласањето се врши паралелно на двете веб страници и акцијата на издавачот што ќе има најмногу гласови од двете анкети збирно, ќе биде прогласена за Акцијата на годината по избор на јавноста за 2024 година.
Предмет на анкетата е листа од десет котирани акции, избрани врз основа на остварениот промет и транспарентноста во нивното работење.
Можеби ќе ве интересира
ВОЗАЧИ, ЕВЕ ШТО ТРЕБА ДА ЗНАЕТЕ КОГА УТРЕ ЌЕ ОДИТЕ НА БЕНЗИНСКА - Регулаторна со нови цени на горивата
Еве ги најголемите економски патриоти! Кои се најголемите македонски извозници меѓу котираните компании?
МИЦКОСКИ КАЖА КОГА КОНЕЧНО ЌЕ СЕ ДЕФИНИРААТ УСЛОВИТЕ ЗА УНГАРСКИОТ КРЕДИТ: Еве што најави
ШТО Е ТОА ШТО ГИ РАЗЛИКУВА „ТЕМУ“, „АЛИЕКСПРЕС“ И „ШЕЈН“: Голема трка за новиот кинески император
ВО СРЕДА ЌЕ ИМА ЈАВНА БЕРЗАНСКА АУКЦИЈА ЗА 9,83 ОТСТО - кој ќе искешира 7,34 милиони евра за акции на „Македонијатурист“
БАНКРОТ НА ЕВРОПСКИОТ ГИГАНТ ЗА БАТЕРТИИ: Директорот поднесе оставка откако се тргна надолу
Должник на МЕПСО од Косово пред суспензија од пазарот за електрична енергија
ОВА Е НАЈОМРАЗЕНИОТ ЧОВЕК НА ВОЛСТРИТ: Трамп го номинираше за министер за трговија
