ЗА УБИЕЦОТ СЕ БАРА МАКСИМАЛНА КАЗНА: Русе не сака изроди како монструмот на Викторија
Објавено во: Балкан 12 Октомври, 2018
„Такви изроди не може да се воспитуваат“, рекол градоначалникот на градот Русе, Пламен Стоилов, пренесува бугарски блиц.
Неговите зборови се кажани за време на погребот на брутално убиената новинарка Викторија Маринова, која беше силувана и убиена од Северин Красимиров.
„Русе, каде нема кривично дело, по ова убиство стана познат по едно лошо име. Затоа, превенцијата е важна од многу рана возраст. Не може да се воспитуваат вакви изроди. Затоа ќе бараме максимална казна. Оние што ќе си дозволат дури и да помислат на такво нешто, мора да бидат уништени од законот. Тоа е она што може да им даде на луѓето гаранција“, кажал градоначалникот.
Тој и се заблагодари на полицијата што се справила за многу краток рок и го открила ова тешко и сложено убиство за четири дена. Им благодариме и на луѓето кои помогнаа во тоа. Пламен Стоилов беше меѓу првите кои влегле во катедралниот храм "Света Троица", каде се одвива поклонувањето пред посмртните останки на 30-годишната Викторија.
Под звукот на ѕвончето, ковчегот беше донесен во црквата, а покрај него стоеја мајката, таткото и бабата на Викторија, како и нејзиниот сопруг и свекор.
Фото/Извор: Блиц.бг