Климата се менува, ама големите сили не сакаат ограничување на индустријата

Добивај вести на Viber

САД ќе ги постигнат определените цели за намалување на емисиите од штетни гасови со ефект на стаклена градина до 2020 година,  беше соопштено на Меѓународната конференција за климатските промени во Доха. Сепак, поголемиот дел од научниците сметаат дека ова е недоволно за да се спречи глобалното затоплување. Како што истакна пратеникот на САД, Тод Стерн, Владата на демократите има напредок и покрај отпорот на републиканците, цитирајќи истражување според кое нивоата на штетни емисии опаѓаат, делумно и поради построгите стандарди за автомобилите, но пред се поради користењето на обновливата енергија. „Бележиме напредок и сметам дека сме на вистиснкиот пат“, изјави Стерн во врска со планот на Обама за намалување на емисиите на штетни гасово за скоро 17%  до 2020 година, направено во однос на нивото од 2005 година. Според истражувањето од 2007 на светската клима од страна на група експерти на ОН , до 2020 година богатите држави ќе треба да ги скратат своите штетни емисии на гасови за 25 до 40 проценти во однос на нивоата од 1990 година, за да се спречи погубното покачување на температурите. Сепак, состојбите се далеку од планираните и како што појаснуваат познавачите на состојбите, речиси ниту една од овие земји, не си поставила за цел такви драстични ограничувања.