КОЧАН НА ОБВИНИТЕЛНА КЛУПА: Ќе почне ли конечно рочиштето за милионскиот тендер од ЕЛЕМ ?
Објавено во: Македонија 14 Ноември, 2017
Случајот „Труст“ кој специјалните јавни обвинители го покренаа за тендерот што во 2011 година го распишала државната фирма „Електрани на Македонија“ (ЕЛЕМ) за ископување јаловина и јаглен од рудникот Суводол во Битола а во кој прв осомничен е бизнисменот Сеад Кочан се уште стои во место.
Денеска е закажано ново рочиште кое ќе биде уште еден обид за старт.
Во „Труст“ се осомничени три правни и три физички лица. Станува збор за фирмите „Трансмет“ од Скопје,, „Силекс“ од Кратово и „Вато“ од Студеничани.
Тие на тендерот на ЕЛЕМ му доставиле лажна документација во која прикажале наводна сопственост на тешка механизација за ископување, која ја немале и не ја набавиле, а таа што ја имале била со помал капацитет.
Осомничените со фалсификувани документи местеле тендери во ЕЛЕМ во вредност од 17 милиони евра.