Кои држави протераа руски дипломати?
Објавено во: Македонија 27 Март, 2018
Најмалку 23 земји, од кои 17 членки на Европска унија, го поддржаа обвинувањата на Велика Британија за вмешаност на Русија во труењето на поранешниот руски агент Сергеј Скрипал со невропаралитичка супстанција „новичок“, поради што најавија протерување руски дипломати.
Најагресивни мерки презедоа САД, и испратија дома 48 вработени во руската дипломатска мисија и уште 12 Руси вработени во Мисијата на Обединети нации. САД го затвори и рускиот конзулат во Сиетл.
„Тоа беше координирано дејство. Претседателот Трамп разговараше за ова со многу странски лидери, со нашите европски сојузници, повикувајќи ги да се приклучат на САД во објавувањето вакви мерки“, изјави заменик-портпаролот на Белата куќа, Раџ Шах.
Веднаш зад Американците се Британците со 23 протерани руски дипломати, а трета Украина со 13.
Франција, Полска, Германија и Канада протерааа четворица руски дипломати.
По тројца ќе испратат Чешка и Литванија, од која двајцата протерани се воени аташеа, а по двајца дипломати на Русија ќе треба да ги напуштат Данска, Италија, Холандија и Албанија.
Покрај Македонија, по еден руски дипломат решија да протераат Шпанија, Естонија (воено аташе), Летонија (плус вработен во „Аерофлот“), Финска, Романија, Хрватска, Шведска, Унгарија и Норвешка, а Исланд привремено ги прекина дипломатските односи со Москва.
Последната земја која одлучи, од солидарност кон Велика Британија, во која земја е и отруен двојниот руски шпион Сергеј Скрипал и неговата ќерка Јулија, да протера руски дипломати од Австралија.Оваа земја утрово најави протерување на двајца руски дипломати.