Кои фактори ја урнаа цената на нафтата?
Објавено во: Економија 18 Мај, 2017
Цените на нафтата денеска паднаа на меѓународните берзи под 52 долара.
Цената се намали под влијание на информациите дека пазарот е обилно снабден со сурова нафта и покрај обидите на ОПЕК и другите големи производители да го ограничат производството.
На лондонскиот пазар цената на барелот попладне беше во минус 60 центи во однос на претходното затворање и изнесуваше 51,61 долар. На американскиот пазар цената беше во минус 55 центи и изнесуваше 48,52 долара.
Пазарот вчера беше поткрепен со информацијата за падот на американските резерви на сурова нафта минатата недела за 1,8 милиони барели, што сепак е помал од она што го очекуваа аналитичарите.
ОПЕК денеска објави дека цената на барелот на референтната кошничка на неговата нафта во среда изнесувала 49,43 долари,односно останала скоро непроменета во однос на претходниот ден од тргувањето.
Кувајт деновиве го поддржа апелот на Саудиска Арабија и Русија за деветмесечно продолжување на договорот за намалување на производството на нафта.