Кои професии се најбарани во Германија?
Објавено во: Економија 16 Август, 2019
Недостигот на работници го чувствуваат и граѓаните во Германија. Во Баварија летово имаше проблеми со возните редови на возовите затоа што недостигаат возачи, а во целата земја сè почесто има привремени затворања на болници поради недостиг на медицински сестри, а дури и недостигот на лекари е сè поголем.
Водоинсталатерите и мајсторите за греење и климатизација се најбараните професии во Германија. Новата анализа на Федералната агенција за вработување покажува дека за овие работни места долго се бараат работници.
Скоро две третини од сите слободни работни места во оваа бранша не се пополнуваат во просек по 200 дена, а потоа следуваат негувателите на постари лица со 199 дена.
Во анализираните групи на занимања има повеќе од 472.000 слободни работни места, од што само во производството се 63.000, вклучувајќи ги и индустриската и прецизната механика.