Koj бара милиони отштета од Боинг?
Објавено во: Свет 22 Мај, 2019
Кинеските авиокомпании бараат отштета од Боинг.
Ер Кина и Кина садерн ерлајнс се приклучија на другите кинески авиокомпании, кои од американскиот производител на авиони Боинг побараа надомест од штетата поради приземјувањето на авионите 737 Макс.
Кинеската влада нареди приземјување на сите авиони од типот Боинг 737 Макс по несреќата на Етиопиан ерлајнс во март и на индонезискиот Лајон ер во октомври лани, во кои вкупно загинаа скоро 350 луѓе.
Овој тип на Боинг авиони е повлечен од сообраќај во земјите ширум светот, вклучувајќи ги и САД.
Кина истерн ерлајнс е првиот кинески превозник кој побара надомест од Боинг поради приземјување на флотата 737 Макс.
Кинеските компании го следат примерот на Норвешка ер, која во март од Боинг побара да ги покрие трошоците произлезени од повлекувањето на спорниот модел на авион од сообраќај.
Од трите кинески државни авиокомпании, Кина садерн располага со најголемата флота на Боинг 737 Макс - има вкупно 24. Ер Кина има 15 авиони од овој тип и Кина истерн 14.
Од Кина садерн, објавија дека побарале што е можно побрзи преговори со американскиот производител за да го утврдат планот за надомест, според новинската агенција Ксинхуа.
Барањето временски се совпадна со ескалацијата на трговската војна меѓу Кина и САД. Двете земји овој месец ги зголемија царините за производи во вредност од повеќе стотици милијарди долари.
САД воведе ограничувања и за кинескиот производител на телекомуникациска опрема Хуавеј, објаснувајќи го таквиот чекор со загриженоста за националната безбедност.
Можеби ќе ве интересира
ЗА НАПАДОТ ВО МОСКВА: Руската полиција уапси уште еден Таџикистанец
ПОЧИНА БЕБЕТО КОЕ ЛЕКАРИТЕ ВО ГАЗА ГО ИЗВАДИЈА ОД УТРОБАТА НА УБИЕНАТА МАЈКА: По неколку дена се јавиле сериозни здравствени проблеми
ПИШУВАЛА АНТИВОЕНИ ГРАФИТИ: Руска тинејџерка е осудена на 3.5 години затвор
Ќе бидат потребни 14 години да се отстранат урнатините во Појасот Газа, вели официјален претставник на ОН
КИНА И САД ТРЕБА ДА БИДАТ ПАРТНЕРИ, НЕ РИВАЛИ: Кси Џинпинг го пречека Блинкен
„КРАЛОТ ЧАРЛС Е ВО МНОГУ ПОЛОША СОСТОЈБА ОТКОЛКУ ШТО СЕ ПРИКАЖУВА ВО ЈАВНОСТА“: Погребот активно се планира
Официјално: Тенковите „Абрамс“ тргнати од првата борбена линија
НАЈГОЛЕМИТЕ ЕКОНОМИИ ГИ ПОДБРАА БОГАТАШИТЕ: Милијардерите да плаќаат даноци за да ја надоместат штетата на светот
ЌЕ ГИ ОГРАНИЧАТ ОДНОСИТЕ СО ПУТИН: Европскиот парламент ги прогласи изборите во Русија за нелегитимни
