Кој директор си замина од Комерцијална банка по продажбата на акции?
Објавено во: Економија 14 Април, 2018
Веќе е добро познато дека еден од странските акционери во Комерцијална банка, инвестицискиот фонд East Capital Explorer Investments AB реши да ги продаде сите акции кои потоа во блок трансакции беа купени од страна на македонски компании.
Вакви корпоративни промени значат и нужни промени на раководната структура, па така претставник на East Capital Explorer Investments AB си поднесе оставка од Надзорниот одбор на Комерцијална банка.
„Согласно член 33 од Правилата за котација на Македонска берза АД Скопје, Комерцијална банка АД Скопје објавува дека на 11.04.2018 година Маргот Џејкобс поднесе оставка од член на Надзорниот одбор на Банката, од причина што East Capital Explorer Investments AB не е повеќе акционер во Банката“, соопштија од Комерицјијална банка преку берзата.
Сега со новата сопственичка структура каде повеќе пакети под 5% од вкупниот сопственички удел имат повеќе македонски домашни компании се очекува потег од Комерцијална банка како ќе ги пополни испразнетите директорски места во одборите.