КОЈ Е АКАДЕМИКОТ - МИЛИОНЕР ? Професорот по кривично е топ инвеститор, неговите акции денеска вредат 1,4 милиони евра!!!

Добивај вести на Viber

Владо Камбовски е етаблиран доктор на правни, науки, академик, а своевремено и министер за правда. Но овој 76 годишен битолчанец се покажа и како врвен инвеститор во акции. Конкретно, неговите вложувања во акции на „Комерцална банка“ и на ТТК Банка денеска вредат 1,4 милиони евра. Само од дивиденда на своите акции во „Комерцијална банка“ неодамна доби 50.000 евра

Купи и чувај акции е стратегијата која секогаш дава резултат, но само доколку ги погодиш вистинските акции. А академик Владо Камбовски знае да избере. Неодамна благодарение на транспарентна објава на ТТК Банка дознавме дека универзитетскиот професор по кривично право бил акционер во „Комерцијална банка“. Таму поседува 3.900 акции чија денешна пазарна вредност е 1,37 милиони евра.

Еве Камбовски одлично избрал кога се во прашање вложувањата во хартии од вредност. Создал одличен капитал со умни вложувања. Освен во најголемата деловна банка во Македонија, Камбовски поседува и 1.738 акции во ТТК Банка. Нивната последна пазарна вредност е околу 40.000 евра.

Информацијата за тоа колку акции Камбовски поседува беше објавена овој месец на берзанскиот информативен сервис СЕИ-НЕТ. Тоа беше дел од законската обврска за објава на податоци за лице кое членува во надзорен одбор на банка. Камбовски е член на огранот за надзор на работата на управниот одбор во ТТК Банка.

Камбовски иако врвен правник и експерт – кривичар има корисни и применливи знаења и од областа на финансиите. Неговите вложувања во акции на „Комерцијална банка“ пред два месеци му донеле добивка од 50.000 евра дивиденда од добивката што банката ја распредели на своите вработени од ланското работење. Р.Ф.