Кој има гнездо од штрк на кров – ќе добие по 93 евра!

Добивај вести на Viber

Со цел да се заштитат штрковите од уништување,  владата на Хрватска од буџетот ќе двои по 700 куни, или околу 93 евра, за семејствата кај кои на покривот штрковите направиле свое гнездо. Како што објави„Јутарњи лист“, станува збор за четиригодишен проект на Министерството за животната средина за заштита на белите штркови, во рамките на кој обезбедени се 350.000 куни. Оттука според пресметките, дополнително ќе се иницира заштитата на  500 гнезда. Парите се даваат на сопствениците на куќите за да не ги уништуваат гнездата на птуците туку да се грижат за нив. Согласност за учество во проектот дале 11 од вкупно 20 области во земјата, а договорот треба да се потпише за еден месец. Според податоците на хрватското министерство за животна средина, во земјата има околу 1.300 гнезда на бели штркови. Поради урбанизацијата и загадувањето на животната средина нивниот број постојано се намалува.