Кој ја „заробил“ Македонија - Расправа меѓу Милошоски и Жбогар

Добивај вести на Viber

На денешната расправа на комисијата за надворешни односи во Собранието на Република Македонија се разви жестока дебата меѓу пратеникот Милошоски и евроамбасадорот Самуел Жбогар околу прашањето кој го кочи влезот на Македонија во ЕУ и дали земјата е заробена политички од власта на ВМРО-ДПМНЕ како што претходно констатираше ЕК.

- Вие направивте еден исчекор кој не е доволен. Ве повикувам да заборавите на конфликтите и да се фокусираме на сегашноста и иднината. Заедно сме посилни. ЕУ и нејзините членки ќе останат ваши цврсти партнери на вашиот пат, изјави амбасадорот Самуел Жбогар и додаде што мисли под терминот заробена држава кој е добро објаснет во извештајот на Европската комисија. 

Секако, на тоа возврати Милошоски од ВМРО-ДПМНЕ..

- Кога зборуваме за заробена држава, би кажал поинаку. Имаме заробена европска перспектива од 27 годишна блокада од една држава членка на ЕУ. Жбогар беше министер за надворешни работи од 2008 до 2012. Имавме и претседавање од Словенија и ниту еднаш не ни била упатена забелешка, изјави Антонио Милошоски.

Подадена рака за соработка со опозицијата има истакна пратеничката од СДСМ Фросина Ременски која исто како и вицепремиерот за евроинтеграции Бујар Османи порачаа дека првите три месеци се клучни за Македонија да ги испорача првите сигнали дека е спремна да биде членка на унијата. Реформите во судството велат се неизбежни но и надпартиските интереси.

- Потребите за забрзување на интеграцијата, планот содржи две главни начела. Првиот е адресирање на итните реформи и вториот елиминирање на политичките сензитивни препреки, изјави Бујар Османи.

 - Од аспект на нашата заедничпка одговорност за интерес на Македонија, парламентарното мнозинство е спремно, подадовме рака за соработка во интерес на процесите во Македонија, изјави пратеничката од СДСМ Фросина Ременски.