Кој не е подготвен - Балканот за ЕУ или ЕУ за Балканот?
Објавено во: Балкан 19 Мај, 2018
Самитот на ЕУ во Софија не е меѓу главните теми во руските весници деновиве. Во некои од нив дури и го нема овој настан.
Од поважните руски весници, само бизнис „Комерсант" посвети внимание за тоа. Во извештајот на балканскиот дописник Генадиј Сисоев се истакнува дека самитот ЕУ - Западен Балкан во Софија бил прв на таа тема по 15 години и целта била да се демонстрира враќање на Унијата во регионот. Лидерите на Европа навистина имаат „исцртани европска перспектива за балканските партнери", но не посочија конкретен датум за прием во ЕУ на ниту една од нив.
Така ветувањето дадено уште во 2003 година во Солун, за прифаќање на сите балкански земји во ЕУ се покажа исполнето само делумно. Единствено претседателот на Европскиот парламент, Антонио Тајани, и тоа само усно, ги охраби Србија и Црна Гора дека може да бидат прифатени до крајот на 2025 година, пишува рускиот весник.
Авторот го нагласува и скептицизмот на францускиот претседател Емануел Макрон кој истакна дека „Балканот фрли сидро во Европа", но „кон секое ново проширување ЕУ гледа внимателно".Весникот наведува и резултати од последните анкети, според кои 47 отсто од граѓаните на ЕУ се против примање на нови членки, а само 42 отсто се за.