КОЈ ПРЕТСЕДАТЕЛ ЗАРАБОТУВА НАЈМНОГУ: Китаровиќ, Иванов и Пахор со плати три пати поголеми од просекот
Објавено во: Економија 21 Август, 2018
Претседателот на Словенија, Борут Пахор, има највисока месечна плата меѓу претседателите на регионот, а најмала добива српскиот претседател Александар Вучиќ, пренесе Н1.
Платата на претседателот на Словенија на месечно ниво, изнесува 3.322 евра, а од друга страна, претседателот на Србија, Александар Вучиќ, добива три пати помалку, односно 1.083 евра месечно.
Повеќе од 3.000 евра се месечните примања на хрватскиот претседател Колинда Грабар Китаровиќ, како и на членовите на Претседателството на Босна и Херцеговина.
Грабар Китаровиќ има нето плата од 3.276 евра, додека членовите на Претседателството на БиХ заработуваат во просек 3.091 евра месечно.
Косовскиот претседател Хашим Тачи добива месечна плата од 2.873 евра.
Иако податоците за месечниот приход на претседателот на Црна Гора, Мило Ѓукановиќ, се уште не се објавени на веб-страницата на Агенцијата за спречување на корупцијата на Црна Гора, се знае дека неговиот претходник заработувал околу 2.420 евра месечно на таа позиција.
Помалку од 2.00 евра месечно заработуваат претседателите на Албанија, Илир Мета – 1.425 евра и на Македонија, Ѓорѓе Иванов кој заработува 1.250 евра.
Во текстот, исто така,се забележува дека платите на претседателот далеку ги надминуваат просечните месечни нето приходи во регионот, при што рекордери се косовскиот претседател и тројца членови на Претседателството на Босна и Херцеговина. Месечната плата на Хашим Тачи е речиси осумпати поголема од просечната плата во Косово, додека на Бакир Изетбеговиќ, Драган Човиќ и Младен Иваниќ се седум пати повисоки од просекот во Босна и Херцеговина.
Грабар Китаровиќ, Иванов и Пахор имаат трипати повеќе плата од просекот во Хрватска, Македонија и Словенија, додека платата на српскиот претседател Александар Вучиќ е двапати поголема од просечната плата во Србија.
Можеби ќе ве интересира
ПОРАДИ КЛИМАТСКИТЕ ПРОМЕНИ: Колку маслиново масло произведува Шпанија?
СИНОТ НА СВЕТОЗАР, ЈАНЕ ЈАНЕВСКИ, СТАНУВА ПРЕТСЕДАТЕЛ НА УО НА „АУТОМАКЕДОНИЈА“ - и оттаму заминува Џон Илија Јоновски
НОВА ИНИЦИЈАТИВА ДО УСТАВЕН СУД ЗА УКИНУВАЊЕ НА ЧЛЕН 368 ОД ЗАКОНОТ ЗА ОБЛИГАЦИОНИ ОДНОСИ - тој е негативен за приватниот сектор
КОЛКУ ДИВИДЕНДА ЌЕ ДОБИЕ СИМОН, А КОЛКУ САШО НАУМОСКИ - прилепска „Витаминка“ го објави планот, еве ги деталите
ЦРН ДЕН ЗА ГЕРМАНСКАТА ЕКОНОМИЈА: Гигантот го прекина производството по 30 години - позната компанија ја изгуби трката со кинеска фирма
АСО ја охрабрува Владата за измени на Тарифникот за авто-осигурување
Стотици домаќинства сега продаваат струја во Македонија, интересот сепак ограничен
При кумулативен пораст на цените од 61.5 отсто, само премиите за авто осигурување се замрзнати 15 години
Дваесет години не го воведоа еврото и се спасија од рецесија
