Кој води во трката за претседател на САД?

Добивај вести на Viber

Кандидатот за претседател на Демократската партија Хилари Клинтон води пред противникот од републиканците Доналд Трамп со осум процентни поени меѓу веројатните гласачи, според вчерашната објавена анкета на Reuters.

Истражувањето е спроведено помеѓу 14-18 август и покажува дека 42% од Американците ја поддржуваат Клинтон пред изборите на 8 ноември. Поддршката за Трамп е 34%.

Други 23% од веројатните избирачи нема да изберат ниту еден од двајцата кандидати.

Потсетуваме дека пред месец кандидатот за претседател на САД Хилари Клинтон го обвини кандидатот Доналд Трамп дека „слика погрешна мрачна слика за иднината на американското општество“. Изјавата беше за време на Националниот конгрес на демократите, кој се одржува во Филаделфија.

Клинтон објасни дека гледа во Трамп главна закана за безбедноста на САД, бидејќи неговите скриени намери биле да ги подели Американците од остатокот од светот, како и еден од друг, со ширење страв во нив.

Клинтон му вети јавно на американскиот народ дека ќе ја направи економијата своја основна мисија во евентуалното и идно управување и ќе ја изведе до нивото на кое заслужува да биде. Таа најави дека ќе се бори за создавање на повеќе можности и подобри работни позиции во САД.

„Од првиот до последниот ден на функцијата ќе работам за економскиот развој на нашата земја“, истакна кандидат-претседателот.

Кандидатот за претседател на САД од Републиканската партија Доналд Трамп изјави дека ако биде избран за претседател на САД, ќе го разгледа прашањето со признавањето на Крим за дел од Русија, како и укинување на санкциите наметнати на Москва поради ситуацијата во Украина.

„Ќе го разгледаме прашањето, ќе го разгледаме“, изјави Трамп за време на прес-конференција во Флорида.

Генералните избори за претседател на САД се закажани за 8 ноември.