КОЈА ЗЕМЈА ЌЕ БИДЕ ЛОКОМОТИВАТА: Светска банка предвидува нестабилна економија меѓу 2020 и 2030 година

Добивај вести на Viber

Стапката на раст на светската економија во 2018 година ќе се зголеми на 3,1%, но потенцијалот за понатамошен раст предизвикува загриженост, според извештајот на Светската банка.

За еврозоната, проектираниот раст оваа година изнесува 2,2%, за САД 2,5%, а за Велика Британија - само 1,4%. Економската локомотива е Азија - раст од 6,9% во Југоисточна Азија и 6,2% во Источна Азија и во Пацифичкиот регион.

Извештајот е објавен под наслов „Перспективите на светската економија“. Овој пат, прашањето  на кое се бара одговор е и „Економската ситуација како целина се подобрува, но за долго време?“.

„Се очекува дека резервите во светската економија ќе бидат постепено исцрпени“, се вели во извештајот.

Според проекциите, помеѓу 2020 и 2030 година ќе има нестабилен и помал економски раст на глобално ниво. За овие 10 години, прогнозата е за просечен раст од 2,3%. Главната причина се структурни проблеми.

Светската банка, исто така, предупредува дека главниот ризик за економијата доаѓа од финансиските пазари. Ако има бавен раст на инфлацијата, тогаш размената може да остане стабилна, велат експертите. Но, ако има голем пораст на инфлацијата и централните банки треба да ги подигнат клучните каматни стапки, тогаш може да има катастрофи, велат експертите.