„Кока Кола“ го купи „Бамби“ за стотици милиони
Објавено во: Економија 18 Февруари, 2019
Компанијата "Кока-кола" (Coca-Cola) ХБЦ АГ го започна процесот на стекнување на сопственост над водечкиот спрски кондиторски производител "Бамби" од фондот "Mid Europa Partners" во вредност од 260 милиони евра, објави денеска компанијата.
Стекнувањето се очекува да биде завршено во текот на вториот квартал на 2019 година и со тоа компанијата "Бамби" да се здобие со нови можности за развој во Србија и во регионот, како и проширување на дополнителни категории на производи.
Извршен директор на компанијата "Кока-Кола" ХБЦ АГ Зоран Богдановиќ, рече дека купувањето е можност да се создаде дополнителна вредност за компанијата, нејзините клиенти и акционери.
"Во нашите постоечко портфолио на водечките брендови на пијалоци ќе им додадеме на потрошувачите добро познати, комплементарни брендови, како и иновативни вештини и знаења. Ова дополнително ќе ја зацврсти нашата релевантност на пазарот и на односите со нашите клиенти и ќе ни даде можност да го зголемиме нашето присуство во клучните прилики за конзумација" оцени Богдановиќ.