Колкава е цената на класичната плочка злато?
Објавено во: Економија 09 Февруари, 2017
Цената на златото бележи раст во последно време.
Таа го достигна највисокото ниво во три месеци по петиот ден на инвеститорското купување на метали преку пасивен фонд, што е најдолгиот период на купување од јуни, пишува Блумберг.
Оваа недела растот на златото го надмина просекот од 100 дена движење, што беше знак за некои трговци и аналитичари дека цените можеби ќе продолжат да се зголемуваат.
Според Блумберг, цената на класичната плочка злато за моментална испорака изнесува 1.237,49 долари по унца.
Количината на пасивниот фонд SPDR Gold Shares пораснаа за еден тон, па така во вторникот изнесуваше 827 тони, што е најмногу од 20-ти декември лани, покажуваат податоците на Блумберг.
Активите скокнаа по 10-месечниот застој кој започна на крајот на јануари, што им помогна на цените на златото да го задржат својот прв годишен подем уште од 2012 година.
Цената на плочката злато скокна за 5,5% минатиот месец, откако слабиот долар и загриженоста на инвеститорите поради претседателството на Доналд Трамп во САД, го поврза сезонското купување пред нова година според лунарниот календар.