Колкава инфлација ни предвидува ММФ за годинава?
Објавено во: Економија 12 Октомври, 2021
Инфлацијата во Македонија годинава ќе биде 3,1 отсто, а во 2022 година ќе изнесува 2,2 отсто.
Меѓународниот монетарен фонд (ММФ) предвидува раст на македонскиот БДП од 4 отсто оваа и 4,2 отсто идната година. Минатата година македонската економија имаше пад од 4,5 отсто поради пандемијата. Во регионот, дел од земјите полошо, а дел подобро котираат од Македонија, така што најголем раст годинава се очекува во Црна Гора од 7 отсто, Србија 6,5 отсто и Хрватска 6,3 отсто. Висок раст се предвидува и за Косово од 6 отсто. За Албанија се предвидува раст на БДП од 5,3 отсто, за БиХ 2,8 отсто, а за Бугарија 4,5 отсто.
Меѓународниот монетарен фонд (ММФ) ја намали прогнозата за глобалниот економски раст за 2021 година на 5,9 проценти, наведувајќи ја како причина „неизвесноста за тоа колку брзо може да се надмине пандемијата” на коронавирусот.