Колку деца живеат раселени и во сиромаштија?
Објавено во: Економија, Свет 20 Ноември, 2016
УНИЦЕФ информира дека скоро 50 милиони деца се раселени од своите домови, а 250 милиони деца живеат во земји погодени од судири. Скоро 385 милиони деца живеат во екстремна сиромаштија.
„Речиси 300 милиони деца живеат во областите со највисоко ниво на токсично загадување на воздухот - шест или повеќе пат поголемо од меѓународните норми“ - се наведува во соопштението на Организацијата.
Скоро шест милиони деца во светот сè уште умираат секоја година од причини што може да се спречат. Децата од сиромашните домаќинства имаат двапати поголеми шанси да починат пред петтиот роденден во споредба со децата од побогатите домови.
52% од сите деца на возраст од две до четиринаесет години биле жртви на физичко казнување во домот, додаваат од УНИЦЕФ.
Правата на милиони деца се кршат секој ден, наведува УНИЦЕФ по повод одбележувањето на 20 ноември - Светскиот ден на детето.
По усвојувањето на Конвенцијата за правата на детето во 1989 година, напредок има, но тоа не е доволно.