Колку Италијанци останаа без дом по земјотресот во неделата?
Објавено во: Свет 31 Октомври, 2016
Над 15.000 Италијанци останаа без дом по земјотресот во неделата.
Италијанските власти соопштија дека над 15.000 државјани на земјата се бездомници, откако во неделата Централна Италија беше потресена од силен земјотрес, пишува италијанското издание на The Local.
Иако вчерашната катастрофа не доведе до смртни случаи, третиот силен земјотрес во Италија претвори во урнатини илјадници домови или ги направи опасни за живеење. Поголемиот дел од засегнатите граѓани се засолнаа кај семејствата и пријателите.
Сепак државната агенција за заштита на цивилното население соопшти дека ќе обезбеди поддршка на најмалку 15.000 лица. Земјотресот од неделата беше толку силен, што доведе до пукнатини во згради во главниот град Рим, кој е на околу 120 километри од епицентарот, потсетува весникот.