Колку луѓе во светот живеат со помалку од 5.5 долари на ден?

Добивај вести на Viber

Половина од светското население сѐ уште живее со помалку од 5,5 долари на ден. 

Во светот 3,4 милијарди луѓе и понатаму тешко ги задоволуваат своите основни потреби. 

Ова го покажуваат податоците на Светската банка.

Во крајна сиромаштија живеат лица со помалку од 1,90 долари на ден. Сиромаштијата на глобално ниво се сведе на 46 отсто во 2015, во споредба со 67 отсто во 1990 година. 

Крајната сиромаштија во 2015 падна на 10 отсто од околу 30 отсто во 1990 година.

Сѐ поголем број од сиромашните луѓе во светот денес живеат во најразвиените земји, се наведува во извештајот.

Регионот на Азија и Пацификот бележи најдобра поделба и таму приходите на 40 отсто од најсиромашните жители просечно се подобрувале за 4,7 отсто меѓу 2010 и 2015.

Во супсахарска Африка третина од земјите забележале пад на приходите на 40 отсто од најсиромашните жители. Во тој регион 84,5 отсто од жителите живеат со помалку од 5,5 долари на ден.

На Блискиот Исток и во Северна Африка, иако е во пораст бројот на жители кои имаат 1,90 долари на ден, „нивото на крајна сиромаштија е понатаму високо“.  Но, во тој регион има сѐ повеќе жители кои живееле со помалку од 5,5 долари на ден во 2015, во споредба со 1990.

Светската банка прецизираше дека во Соединетите Држави во 2015 година 3,7 милиони лица живееле во крајна сиромаштија, или 1,2 отсто од населението.