19 Јуни, 2019
0.0260

Колку нови камиони за чистење снег „Македонијапат“ ќе купи со 1,5 милиони евра?

Објавено во: Економија 10 Јануари, 2019

„Македонијапат“ за период од најмногу 100 дена ќе ангажира повеќе од 80 приватни машини за чистење на државните патишта и за тоа од буџет ние ќе платиме до 1,56 милиони евра. Над 80 отсто од тендерот го доби една тетовска фирма, а другото го доби кавадаречка фирма. „Фактор“ за вас читатели ги издвои цените за месечните паушали на машини на двете фирми. Да потсетиме – двете фирми се ЕДИНСТВЕНИ ПОНУДУВАЧИ и тендерот го добија без конкуренција!

„Македонијапат“ склучи 60 договори со тетовска фирма НБ Транс Сомпану од која со месечни паушали и на повик ќе закупи околу 80 машини, најмногу камиони со снежен плуг и силос за сеење песок и сол и за тоа ќе плати до 1,3 милиони евра без ДДВ. Дополнително на тоа на кавадаречката фирма ЈА-МИ „Македонијапат“ ќе и плати до 265.860 евра за наем на помалку од 20 машини од кои најголем број се камиони за ринење снег и за фрлање песок и сол. И двете компании се единствени понудувачи на тендерите што ги распиша „Македонијапат“.

„Македонијапат“ за тековната зимска сезона ангажира повеќе од 60 приватни камиони на државните патишта, и повеќе од 20 натоварувачи, грејдери, багери, булдожери и чистачи на снег со фреза. За овој трошок за период до четири месеци максимум „Македонијапат“ од наши буџетски пари ќе плати над 1,56 милиони евра. Колку нови камиони можат да се купат за тие пари? Се надеваме дека некој пратеник во нашето Собрание ќе го постави ова прашање на Владата за да добиеме одговор што би можеле да купиме за пари што ќе ги платиме од државниот буџет.

Споредбата на податоците од договорите што ги потпишале двете компании со „Македонијапат“ покажува значајни разлики во цените за паушал што ги добиваат тетовската и кавадаречката компанија за закуп на камион за чистење, булдожер, снегочистач со фреза и натоварувач.

Р. Ф.

Можеби ќе ве интересира

УТРИНСКИ ФОКУС: Што ќе дискутираат Пендаровски и стопанствениците-Македонија датум ќе чека до октомври

УТРИНСКИ ФОКУС: Што ќе дискутираат Пендаровски и стопанствениците-Македонија датум ќе чека до октомври

Стартува проектот поврат на ДДВ кај граѓаните, првата исплата во декември

Стартува проектот поврат на ДДВ кај граѓаните, првата исплата во декември

Кој вели дека македонските банки не се дарежливи акционери?

Кој вели дека македонските банки не се дарежливи акционери?

Интервју, Гир Олсен: Маврово ќе има 500.000 посетители годишно

Интервју, Гир Олсен: Маврово ќе има 500.000 посетители годишно

Која фирма го плати директорот 62.000 евра за да и направи добивка од 258.000 евра?

Која фирма го плати директорот 62.000 евра за да и направи добивка од 258.000 евра?

ВЛАСТИТЕ ОДЛУЧИЈА: Во Берлин кириите веќе нема да растат

ВЛАСТИТЕ ОДЛУЧИЈА: Во Берлин кириите веќе нема да растат

Министерката Апостолска пред словачки бизнисмени ги претстави поволностите за инвестирање во земјава

Министерката Апостолска пред словачки бизнисмени ги претстави поволностите за инвестирање во земјава

Фејсбук објави детали за криптовалутата Либра

Фејсбук објави детали за криптовалутата Либра

Стигна дивидендата во Прилеп! Колку ќе се офајдат акционерите на „Витаминка“ ?

Стигна дивидендата во Прилеп! Колку ќе се офајдат акционерите на „Витаминка“ ?