Колку пари потрошиле Бугарите за одмор?
Објавено во: Балкан 08 Септември, 2016
Бугарите потрошиле околу 1,5 милијарди лева за летен одмор на море или планина.
Речиси 1 милијарда лева влегле во економијата на земјата, а два пати помалку се потрошени во странство, главно во Грција.
Луѓето кои го поминале одморот во родната земја потрошиле во просек по 245 лева. Странците, кои одмарале во Бугарија потрошиле по околу 700 лева. Тоа ги прави приходите во туризмот околу 3 милијарди лева.
Очекувано трагичните настани во Турција, Египет, Тунис и Франција избркаа значителен дел од туристите кои побараа други дестинации.
Бугарија има раст меѓу туристите и тоа Германците, Русите, Чесите, Полјаците и Унгарците годинава масовно одмараат на Црно море.