31 Март, 2020
0.0318

КОЛКУ ПАРИ ТРЕБА ДА СЕ ВРАТАТ КОН ДОМАШНИТЕ БАНКИ - секој месец силни милиони

Објавено во: Финансии 12 Февруари, 2020

Кон домашните кредитори, односно банките и фондовите, државата денеска треба да се раздолжи за 32,5 милиони евра. Тоа е наведено во Календарот на Министерството за финансии.

Ова следуваше откако Владата вчера на домашниот пазар позајми 50 милиони евра. Поголем дел од парите или околу 30 милиони евра таа ќе мора да ги врати на краток рок, односно после една година, а околу 20 милиони евра ќе се вратат дури после 15 години, бидејќи беа позајмени преку 15-годишни државни обврзници.

Задолжувањата нема да прекинат ни во наредниот период, тоа ќе се прави два пати месечно, како што е предвидено во Календарот на Финансии.

Но затоа, не малку се парите кои и во наредниот период ќе треба да се враќаат кон домашните кредитори. 

Во март дури 132 милиони евра ќе треба да се вратат кон домашните бани и фондови. За 42 милиони евра државата ќ треба да се раздолжи во април, а во мај повторно следува за враќање значајна сума, дури 78 милиони евра. Помалце пари, пак, или пет милиони евра, ќе треба да се исплатат во јуни, покажува Календарот на Министерството за финансии.

Покрај раздолжувањата на домашниот пазар, на кои им претходат задолжувања, државата оваа година кон надворешни кредитори треба да врати 705 милиони евра. 

Темата за долгот редовно е предмет на препукувања меѓу политичките партии, Дополнителната заменичка министерка за финансии, Гордана Димитриеска – Кочоска вчера обвини дека додека Владата постојано се задолжува, нема инвестиции, а економијата стагнира. Смета дека власта нерационално располага со финансиите, додека народот мора да знае каде и за какви проекти завршуваат нивните пари.

Од власта, пак тврдат дека одговорно управуваат со јавниот долг, и дека тој за разлика од претходно, кога драматично растеше, сега е стабилизиран.

А според најновите податоци на Финансии, јавниот долг на државава за една година, односно лани, се зголемил за 339 милиони евра. Заклучно со крајот на минатата година тој изнесувал 5,54 милијарди евра, наспроти 5,2 милијарди евра колку што изнесувал на крајот на 2018 година. 

Гледано во проценти, на крајот на 2019 година долгот е 48,9 отсто од БДП, што е раст за 0,3 процентни поени во однос на 2018 година, кога бил 48,6 отсто. 

Државниот долг, пак, гледан во апсолутен износ, на крајот на минатата година бил 4,56 милијарди евра, што е раст за 212 милиони евра во однос на 2018 година, кога бил 4,34 милијарди евра.

Од Министерството за финансии нагласија дека државниот долг во 2019 година е намален за 0,4 процентни поени во однос на 2018 година и изнесува 40,2 отсто од БДП. Ова од причина што кога државниот долг се гледа како релативен износ, односно како процент од БДП, во тој случај има намалување, но тој пораснал во апсолутен износ.

Од Финансии тврдат дека јавниот долг е стабилизиран и умерен, односно тој на крајот на 2019 година изнесува 48,9 отсто од БДП, додека во 2016 година бил на ниво од 48,8 отсто од БДП. 

Додаваат дека јавниот долг во 2019 година заврши под проекцијата на ревидираната Фискална стратегија, според која требаше да изнесува 49,3 отсто. 

Н.Н.Ф.

Можеби ќе ве интересира

Спасовски до банките: Очекувам да помогнат, ако не - има следен чекор, не може да работи кој како ќе му текне

Спасовски до банките: Очекувам да помогнат, ако не - има следен чекор, не може да работи кој како ќе му текне

БАНКАРИТЕ СЕ ЈАВИЈА - ќе ги одложиме ратите шест месеци

БАНКАРИТЕ СЕ ЈАВИЈА - ќе ги одложиме ратите шест месеци

Народна банка: Не шпекулирајте со денарот, ќе се одрази негативно на економијата

Народна банка: Не шпекулирајте со денарот, ќе се одрази негативно на економијата

Македонска берза и КХВ: Тоа што ќе нема акционерски собранија ќе влијае на пазарот

Македонска берза и КХВ: Тоа што ќе нема акционерски собранија ќе влијае на пазарот

РАФАЈЛОВСКИ ЗА ФАКТОР: Требаат минимум две милијарди евра за да излеземе од кризата

РАФАЈЛОВСКИ ЗА ФАКТОР: Требаат минимум две милијарди евра за да излеземе од кризата

АКО ДОСЕГА СИ ДОЛЖЕА, СЕГА УШТЕ ПОВЕЌЕ - фирмите не плаќаат, а сакаат да им се плати

АКО ДОСЕГА СИ ДОЛЖЕА, СЕГА УШТЕ ПОВЕЌЕ - фирмите не плаќаат, а сакаат да им се плати

ШТЕДНИТЕ ВЛОГОВИ ВО БАНКИТЕ СЕ СИГУРНИ - но внимавајте на кешот, опасен е, велат од НБМ

ШТЕДНИТЕ ВЛОГОВИ ВО БАНКИТЕ СЕ СИГУРНИ - но внимавајте на кешот, опасен е, велат од НБМ

НЛБ БАНКА ПРВА ЈА ПОСЛУША НБМ - нема дивиденди, парите одат во нераспоредена добивка и заработувачка за инвестиции

НЛБ БАНКА ПРВА ЈА ПОСЛУША НБМ - нема дивиденди, парите одат во нераспоредена добивка и заработувачка за инвестиции

БАНКИТЕ НА ПОТЕГ - ОДЛОЖУВАЊЕ, ПРОЛОНГИРАЊЕ НА ИСПЛАТАТА И ПОНИСКА КАМАТА - тие ќе понудат, клиентите да кажат дали прифаќаат

БАНКИТЕ НА ПОТЕГ - ОДЛОЖУВАЊЕ, ПРОЛОНГИРАЊЕ НА ИСПЛАТАТА И ПОНИСКА КАМАТА - тие ќе понудат, клиентите да кажат дали прифаќаат