Колку пари за гориво ќе потроши АРМ за воените авиони и хеликоптери?

Добивај вести на Viber

Половина милион евра (без ДДВ и акциза) за нешто повеќе од 700.000 литри гориво ќе потроши Министерството за одбрана за своите 20 воздухоплови во период од една година до август 2019 година

Министерството за одбрана ќе потроши половина милион евра за да набави гориво за воените воздухоплови (авиони и хеликоптери на АРМ), предвивува договорот што ресорот што го води Радмила Шеќеринска го склучи минатата среда со „Макпетрол“ компанијата која била единствен понудувач на тендерот.

Министерството за одбрана ќе набави два типа на гориво. Првиот тип е млазно гориво со спецификација ГМ -1(ЈЕТ –А1) и тоа за 480.000 евра без ДДВ и без акциза. Вториот тип на гориво е авионски бензин од типот АБ 100/130 (avgas 110LL) за што Министерството за одбрана ќе потроши околу 20.000 евра. 

Цената на литар млазно гориво е 45,68 денари без ДДВ и акциза. Цената на авионското гориво е 59,67 денари без ДДВ.

Во тендерската документација пишува дека цената на горивата е берзанска и променлива што значи дека зависи од промените на цените на нафтените деривати на светскиот пазар.

„Макпетрол“ е должен горивото по нарачка да го достави до аеродромите во Скопје и во Охрид. Од првиот тип гориво односно од млазното гориво Министерството за одбрана ќе набави 700.000 литри, а од авионскиот бензин 15.000 литри.

Со каква ескадрила располага Воздухопловната бригада?

Во својата структура, според податоци достапни на Википедија, македонската воена авијација е поделена на два сквадрони од кои првиот е составен од борбени хелихоптери и се вика „Ноќни молњи“, а вториот е составен од транспортни хелихоптери и се вика „Букефал“. Во структурата на ВИНГ има и центар за обука на пилоти, флајт за обука и тренинг „Колибри“, свадрон за воздухопловно и техничко одржување , батаљон за противвоздушна одбрана и вод за специјални намени како и батаљон за воздушно набљудување и јавување. Во скадронот на борбени хеликоптери има 4 воздухоплови од типот МИ 4 со потекло од Русија, а во сквадронот на транспортни хеликоптери има 6 летата од типот МИ 17 од руско потекло. Во резерва има уште 2 хеликоптери од типот Белл УХ 1 со транспортна намена. Вингот на АРМ располага со уште 9 тренажни авиони и еден транспортен воздухоплов.