Колку пиво ќе се испие во Прилеп? Почнува Пиво-фест!

Добивај вести на Viber

Официјалниот старт на овогодинешниот Фестивал на пивото - Пивофест 2014 во Прилеп е означен денеска. Од вечерва почнува традиционалната манифестација, која годинава се одржува во година во којас се одбележуваат 1.000 години од постоењето на градот и 90 години од формирањето на пиварниците во Прилеп и во Скопје. Овој голем јубилеј градоначалникот Марјан Ристески им го честиташе на двете компании подарувајќи им по една торта. Тој воедно ги повика сите посетители да консумираат од широката понуда на пивото, но во умерени количества, преферирајќи ја забавата и дружењето. „Чест и задоволство е да се биде дел од светската карта на фестивали на пиво, заедно со еден „Октобер фест“ и други пивски фестивали. Се надевам дека овие четири дена ќе имаме многу испиено пиво, многу изедена скара и пред се, многу забава“, рече Ристески. Се очекува во следните четири дена прилепскиот Пиво-фест да собере околу 400.000 посетители. Ќе бидат поставени 32 штанда за продажба на пиво, на површина од 20 илјади метри квадратни. Пивофест ќе го отвори Даниел Кајмакоски, а следните денови ќе настапат и Маид Хаќимовиќ, Емина Јаховиќ-Сандал, Јелена Розга, Жељко Самарџиќ, Тони Цетински, Французите од „Џоук", американската група „Тостерс", Тијана и Тамара, Ефто Пупиновски, Владо Јаневски и групата „Хладно пиво". Водител на настанот ќе биде Игор Џамбазов.