Koлку терористи од Западен Балкан се во редовите на ИД?
Објавено во: Балкан 25 Април, 2018
Според податоци на Европол, околу 800 терористи од Западен Балкан досега се приклучиле на т.н. „Исламска држава“ на Блискиот исток.
Ова го изјави денеска српскиот министер за внатрешни работи, Небојша Стефановиќ на состанок на високи претставници за безбедносни прашања, јави Танјуг.
Тој нагласи дека денес тероризмот е посуров, а терористичките напади многу насилни и дека терористите изградиле финансиски мрежи кои ги прават самоодржливи.
„Според податоци на Европол, околу 800 терористи од Западен Балкан досега им се придружиле на ИД на Блискиот исток., од кои во најголем дел борци се од БиХ и Косово“- вели Стефановиќ.
Министерот посебно се осврна на Западен Балкан, за кој рече дека претставува значаен простор за регрутирање членови и симпатизери на ИД што се борат во Ирак и во Сирија.