Ковачев бара Албанија да ги почне преговорите, а Македонија да почека
Објавено во: Македонија 21 Октомври, 2021
Бугарскиот европратеник Андреј Ковачев на денешната пленарна сесија во Европскиот парламент убедуваше дека Тирана треба сама да го продолжи европскиот пат, а Македонија да чека да го реши спорот со Софија.
„Во однос на преговорите, ако веќе не можеме да направиме максимален исчекор, дајте Албанија да ги почне преговорите, кога веќе 27 земји кажаа „да“ таа да ги почне преговорите“, рече Ковачев.
Тинеке Стрик, европратеничка од Холандија кажа дека билатералните спорови не се оправдана причина да се спречи почетокот на преговорите. Таа бара Бугарија да го тргне ветото што поскоро. Неодамна албанскиот премиер Еди Рама изјави дека веќе ништо не очекува од ЕУ.