Кривични пријави за функционери од минатата власт за концесии за рудниците
Објавено во: Македонија 11 Декември, 2017
Кривични пријави за повеќе лица поврзани со издавањето концесии за геолошки истражувања и експлоатација на минерални суровини, најави Ангел Наков од Здружението на граѓани „Спас за нас“ од Гевгелија.
„Ние до Јавното обвинителство на РМ покренуваме кривична пријава, имаме основано сомнение за сторени кривични дела во низ на огромен број функционери од минатата власт повразни со концесиите за рудниците“- вели Наков при што обвини дека оценката за изградба на „Казандол“ е фалсификувана.
Вели дека граѓаните од источна и југоисточна Македонија се вознемирени и се плашат за својата иднина од, како што го нарече, налудничавиот процес за претварање на половина држава во рударска земја.
„Постојат сериозни прашања со кои сериозно се загрозува здравјето на граѓаните. Концентрационите логори на Хитлер делувале посимпатично од овој амбиент во Македонија“- речеНаков.
Активистот за здрава животна средина апелира до политичарите, посебно до премиерот Зоран Заев и претседателот на РМ, Ѓорге Иванов да се ангажираат и да покажат дека водат сметка за здравјето на граѓаните.