КРИВИЧНИ ЗА НАЈМАЛКУ 30 ЛИЦА: Бојан Јовановски ги пријави во обвинителството
Објавено во: Македонија 03 Јули, 2020
Бојан Јовановски кој е осуден во случајот „Рекет“ на 9 години затвор, пријавил најмалку 30 лица во скопското обвинителство.
Засега неговиот адвокат Сашо Дуковски не открива имиња, освен дека се поврзани со случаите „Рекет“ и „Меѓународен Сојуз“.
Злоупотреба на службената положба, несовесно лекување, измама, изнуда и давање лажен исказ се дел од сторите кривични дела за кои Боки 13 поднел пријави. Тој тврдел и дека има докази.
Јовановски втор пат дава исказ во обвинителството за кривичните пријави кои ги поднесува. Минатиот пат Дуковски рече дека добивал телефонски закани за што денеска потврди дека поднел пријава против непознат сторител.