Крушево минатата година со 50 отсто поголем број на туристи

Добивај вести на Viber

Државата потрошила 9.000.000 денари за онлајн промоција за две години.

Директорот на Агенцијата за поддршка и промоција на туризмот, Љупчо Јаневски на денешната прес конференција истакна дека се оптимисти за бројот на туристи за тековната година и очекуваат бројот на туристите да се зголеми за околу 5 проценти.

Минатата година во земјава има девизен прилив од 381,5 милиони долари од туристи, или во однос на 2017 е зголемен приливот за 16,7 проценти.

Најголемо зголемување на бројот на туристите е забележано во Крушево, каде минатата година благодарение на алтернативниот туризам, односно на атрактивното место за параглајдеристите Мечкин камен, бројот на ноќевања се зголемил бројот за околу 50 проценти.

Од Агенцијата велат и дека гастронимијата е дел од туризмот кој треба да се развива повеќе, како понуда која може да донесе уште туристи во земјава.

И годинава најмногу постетители има во Скопје и во Охрид, а е забележан пад на бројот на туристите од Турција во месец мај, што според агенцијата се должи на падот на лирата, но исто  така и затоа што мај месец беше месец на Рамзан. Падот на турските турсити е забележан и во Хрватска и на грчките острови.

Оптимистички од Агенцијата за поддршка и промоција на туризмот велат дека очекуваат бројот на турските туристи да се зголеми во месец јуни, јули и август.