КРВНИЧКИ ЈА ПРЕТЕПАЛ НА СМРТ ЖЕНАТА СО КОЈА ЖИВЕЕЛ - кој е 27-годишниот скопјанец

Добивај вести на Viber

Драматично убиство се случило на 10 мај годинава, кога дваесет и седум годишен човек ја претепал крвнички жената со која живеел, по што таа од нанесените повреди починала. 

Јавен обвинител од Основното јавно обвинителство Скопје вчера донел Наредба за спроведување истражна постапка против 27-годишно лице, осомничено за кривично дело - Убиство од член 123 став 2 точка 2 од Кривичниот законик.

„Осомничениот, на 10 мај, во раните утрински часови, во куќа на улицата ‚Перо Наков', при вршење семејно насилство, со умисла лишил од живот жена со која живеел во заедничко домаќинство и со која имал блиски лични односи. Тој со повеќе удари со раце и нозе во пределот на главата и по целото тело и нанел повеќе телесни повреди - хематоми, од кои кај неа се развил трауматски шок и настапила смрт“, соопшти Обвинителството.

Оттаму нагласуваат дека на ова лице му е одреден притвор.

„Поради тоа што постојат околности кои укажуваат на опасност од бегство, основан страв дека осомничениот би можел да ги скрие трагите на кривичното дело или да ја попречува кривичната постапка со влијание врз сведоците, како и особени околности кои укажуваат дека тој би можел да го повтори делото, надлежниот јавен обвинител на судијата на претходна постапка од Основниот кривичен суд Скопје му предложи да определи мерка притвор за осомниченото лице“, соопшти обвинителството.