Куманово побара од Владата маски за да ги дели бесплатно
Објавено во: Македонија 23 Април, 2020
Куманово преку својот Кризен штаб побара од Владата одредена количина заштитини маски кои бесплатно ќе се делат на граѓаните. Побарано е и од државните единици на локално ниво да ги дадат службените возилата за потребите на штабот.
Општинскиот штаб за заштита и спасување покрај тоа упати и барање до Комисијата за заразни болести за преиспитување на исправноста на одлуката за воспоставување на ваков алгоритам.
– Бараме истиот да претрпи измени, затоа што стриктното почитување на вака поставениот алгоритам претставува длабока ирестриктивна форма на тестирање со што со ваков мал број на тестирања може да се добие несоодветна епидемиолошка проценка на состојбата а со тоа и немање никаква можност за евентуално тестирање на асимптоматски случаи кои може да бидат извор на ширење на заразата – соопшти Кризниот штаб на Општина Куманово.
Од таму апелираат апелираат да се почитува забраната за движење на населението без носење на соодветна заштитна опрема маска, шал, марама и сл.), надвор од своите домови, на сите јавни места и површини од отворен и затворен тип, како и затворени простории, маркети, продавници или сл.
– Апел до граѓаните на Куманово за доследно почитување на мерката за излегување и движење на само еден член од семејствотово делот на набавка на прехранбени и други производи, лекарства и потреби во делот на регулирање на севкупните дневни и периодични потреби на семејството – додаваат од штабот.