КУРТИ: Српската војска беше на 50 метри од линијата со Косово
Објавено во: Балкан 13 Октомври, 2024
Koсовскиот премиер Албин Курти тврди дека српската војска била на 50 метри од линијата со Косово.
Вели дека војниците „побегнале“, како што рече, веднаш штом биле забележани.
„Србија денеска повторно провоцира со преместување на своите војници на околу 50 метри во близина на граничната линија со Косово, во близина на територијата на општина Каменица“, напиша Курти на Фејсбук, пренесува порталот Косев.
Тој објави неколку фотографии на кои се гледа воено возило, како и неколку лица во воени униформи.
Односите меѓу Србија и Косово никако да се нормализираат. Лани се случи нападот во Бањска, каде српска вооружена група уби косовски полицаец, а загинаа и четири члена на групата.