Лажна тревога за „Бугарски воз“ во Аеродром
Објавено во: Македонија 15 Октомври, 2017
Избирачкиот одбор на гласачкото место 2686 во општина Аеродром утврдил дека нема постоење на обид за т.н. „Бугарски воз“ со вметнување на повеќе гласачки ливчиња во една кутија.
До недоразбирањето дошло откако гласач по грешка вметнал две ливчиња во една кутија, односно покрај листот на кој се гласа за општината и советот за Аеродром го вметнал и гласачкиот лист за кандидати за град Скопје.
Потоа со интервенција на полицијата е прекинато гласањето,а било утврдено дека му недостасувало ливчето за советничка листа на Аеродром.
Прекинот на гласањето траел половина час, а комисијата го иденификувала ливчето по различната боја.