Лекари при операција запалиле пациентка

Добивај вести на Viber

Лекари во Романија запалиле пациентка при операција. 

Жената починала за време на хирушка интервенција, откако надлежните поради грешка ѝ нанеле смртоносни повреди по целото тело. Овој случај повторно отвори многу прашања за здравствениот систем во Романија, пишува „Гардијан“.

Пациентката, која имал рак на панкреас, починала вчера здобивајќи се со изгореници на 40 отсто на нејзиното тело, откако хирурзите искористиле електричен скалпел и покрај тоа што на нејзината кожа бил искористено средство за дезинфекција на база на алкохол.

Контактот со запаливото средство за дезинфекција предизвикал палење, а огнот брзо се проширил по телото на пациентката, напиша на Фејсбук Емануел Унгуреану, романски политичар, цитирајќи ги вработените во Центарот за интензивна нега во болницата Флореска во Букурешт.

Една медицинска сестра фрлила кофа со вода врз 66-годишната жена во обид да го изгаси огнот. Министерството изјави дека ќе го истражи „несреќниот инцидент“, кој се случил на 22 декември.

„Хирурзите требало да бидат свесни дека е забрането да се користи средство за дезинфекција на база на алкохол за време на хирушки процедури во кои се користи електричен скалпел“ – изјави заменик-министерот Хоратиу Молдован.

Болниците во Романија сè уште се соочуваат со сериозни пробелеми поради дотраената опрема и недостатокот на лекари, и често се случуваат скандали.