Лекарите со притисок кон владата, голем штрајк есенва во Хрватска
Објавено во: Балкан 26 Август, 2013
Голем штрајк најавуваат здравствените работници од Хрватска. Според најавите дури 70% од вработените во овој сектор или вкупно 46.000 лекари и медицински сестри од земјата ќе излезат на голем штрајк оваа есен, изјави денеска претседател на лекарскиот синдикат Ивица Бабиќ.
Бабиќ исто така реше дека штрајкот е резултат на пропаднатите преговорите меѓу Владата и синдикатите.
„Владата демонстрира лицемерност со тоа што на денешните преговори испрати претставник, кој нема право да потпишува договори“, посочи Бабиќ.
Според него претставници на синдикатите следните денови ќе имаат средба, за да го координираат штрајкот.
Синдикатите сакаа да се решат проблемите со колективниот договор и тој од ноември 2011 година, кој беше прогласен за невалиден од страна на судот во јуни годинава да биде почетна точка на преговори.