Добивај вести на Viber
„Левица“ во својата реакција во јавноста објави дека, за разлика од СДСМ и ВМРО-ДПМНЕ, тврдат од таму, не им даваат наредби на своите членови да помагаат во справувањето со пожарите. Партијата вели дека нејзините симпатизери самоиницијативно одат да помогнат без да чекаат директива од партиски штаб.
„Деновиве сме соочени со силни пожари насекаде низ Републиката, кои направија огромна штета на голем дел од населените места.
Истовремено се соочивме и со неспособноста на власта брзо и ефикасно да се справи со овие пожари, што од недостаток на кадар и средства, што од желбата да се добие на пи-ар во јавноста токму пред избори.
И додека партиски војници под наредба на партијата на власт, како и од „најголемата опозиција“ се фотографираат и снимаат низ сите засегнати места за тоа колку „помагаат“, наши членови самоиницијативно, без никаква директива, се активираат скоро низ сите жаришта низ Македонија – Кочанско, Делчевско, Кумановско, Кавадаречко, Скопско, Светиниколско... бидејќи, Македонија ја чуствуваат за свој дом! Затоа знаат како на соседите да им бидат соседи, на пријателите - пријатели, на човекот - човек. Затоа, сега кога најмногу е потребно се на терен и помагаат каде што е потребно.
Начелото дека треба сами да се избориме за нашиот дом, треба да ни биде водилка во овие мрачни времиња. Нам не ни требаат никакви месии за спас, нам ни треба самоиницијативност, храброст и заедничка борба за подобро утре!“, соопшти „Левица“.