Лила Филиповска, другарката на Боки 13, повикана на распит во обвинителството
Објавено во: Македонија 02 Септември, 2019
Лила Филиповска, водителката која важи за блиска со Бојан Јовановски, осомничен во случајот „Реклет“, е повикана претпладнево на распит во Јавното обвинителство за гонење организиран криминал кај обвинителката Вилма Рускоска.
Според А1он, ТВ-водителката учествувала во трансакции поврзани со Боки 13, опдносно во два наврати префрлала на сметка на Боки 13 или на фирма која е поврзана со него по 20 илјади евра, па Русковска се сомнева дека тие пари се можеби изнудени од Јовановски и сака да го испита нивното потекло.
Филиповска беше во
автомобилот на Боки 13 кога полицијата го
приведе на граничниот премин
„Богородица“ во намерата да избега надвор од државата. Истиот ден беше уапсен и Зоран Милевски, а на крајот од минатиот месец притворена беше и специјалната обвинителка Катица Јанева.