Љупчо Николовски: Намалувањето и фузијата на институциите од следната година
Објавено во: Македонија 29 Октомври, 2020
Љупчо Николовски, вицепремиерот за борба против корупција, рече дека спојувањето и намалувањето на државните институции ќе започне следната година и дека во моментов неговиот тим работи активно на анализата за рационализација на гломазниот јавен сектор.
- Зпаочнавме со процесот на намалување на самите министерства, ова е мала ефикасна економична Влада во која ќе се намалува моќта на политичарите. Се работи на сите анализи и во рамките на проектите кои ги има Министерството за информатичко општество и администрација со ЕУ на фузирање. 2021 ќе биде година на укинување и спојување на институциите, агенциите, фондовите и слично, чекор по чекор. Граѓаните треба да знаат дека активно работиме. Тоа ќе бидат темелни и суштински промени во континуитет, рече Николовски одговарајќи на новинарско прашање.
Тој објави дека Инспекцискиот совет ја завршил анализата за колку дополнителни инспектори се потребни за справување со корона-кризата и дека истата е доставена до Владата.
- Не може да нема средства за инспекторатите во овие тешки времиња. Таа е доставена до Владата и следните чекори ќе ги превземе Владата за јакнењето на човечкиот потенцијал, додаде Николовски.