Добивај вести на Viber
Велика Британија треба да се одрече од статусот на европски финансиски центар, за на членките во еврозоната да им се овозможи поголема контрола на единствената европска валута, рече Гувернерот на француската Централна Банка во интервју за Фајненшал тајмс.
Во интервјуто, Гувернерот Кристијан Ноер истакнува дека Лондон неоправдано ја игра водечката улога во финансискиот сектор во еврозоната.
„Најголем дел од работењето во евра треба да се одвива во рамките на еврозоната. Овие бизниски се поврзани со капацитетот на централните банки за да се зголеми ликвидноста и засили контролата над оваа валута", рече Ноер.
Тој истакна дека не се противи на тоа и Лондон да работи со евра, но сепак појаснува дека „повеќето од овие финанскиски операции треба да бидат под наша контрола.“
Во меѓувреме растат стравувањата во Британија дека еврозоната планира да го поткопа статусот на Лондон како европски финансиски центар.