Лукаревска: До крајот на месецот граѓаните кои скенирале фискални сметки ќе добијат поврат на ДДВ
Објавено во: Економија 15 Декември, 2019
Директорката на УЈП, Сања Лукаревска вели дека до крајот на месецот граѓаните кои скенирале фискални сметки ќе добијат поврат на ДДВ.
„Законски повратот требаше да се исплати до крајот на месецот, но нашата заложба беше да се исплати побрзо, сепак останува до крајот на месецот да бидат сите исплатени. Станува збор за технички застој, бидејќи некаде има неточни податоци за трансакциски сметки кои ние ги проверуваме, а некаде граѓаните уште не ги внеле податоците за трансакциска сметка“, вели Лукаревска.
Од 180.000 граѓани кои скенирале сметки, досега, 90.000 добиле поврат на ДДВ, а останатите ќе добијат поврат во најкраток можен рок, уверуваат од УЈП.186 милиони денари или изразено во евра околу 3 милиони евра, се враќаат назад на сметките на граѓаните преку МојДДВ, изјави деновиве Кирил Колемишевски, претседател на Комисија за економија на СДСМ.