Македонците им го спасија Велигден на Бугарите со евтино јагнешко

Добивај вести на Viber

На пазарот во Бугарија има евтино македонско јагне, но и евтини јајца од Македонија, пишуваат бугарските медиуми. 

Во деновите пред Велигден се зголемува увозот на јагниња, живи и заклани и подготвени за печење од македонскиот град Делчево до Благоевград.

Причината за оваа „миграција" е многу пониската цена на јагнешкото на пазарот во Делчево, како и добриот квалитет, пишува „Монитор". 

Додека на сточниот  пазар крај Благоевград цената на јагнињата е 6 лева, а на јарињата - 5,50 лева, а во Делчево јагнињата одат од 3 до 4 лева по килограм жива мера.  Во Благоевградските продавници јагнешка плешка се нуди за 13,50 лева, а бутот за 14 лева, додека од Македонија заклано исчистено јагне се нуди за 9-10 лева / кг. 

Друг бонус за луѓето од Благоевград кој им го нудат браќата од Македонија е дека тие по телефон можат да си нарачаат јагниња, ако одат во договорениот ден и час и си го купуваат тазе заклано. Сопствениците на соседските продавници и пабови во Благоевград ја искористат ситуацијата со купување на јагнешко месо од Делчево и потоа го нудат по повисоки цени.

Не е јасно како живите јагниња одат преку граничните контроли и со кои санитарни документи, велат експертите.