Македонија ги укинува царините за САД

Добивај вести на Viber

На последната седница на Владата се усвоени измени на Законот за царинска тарифа, а во тие рамки има и уникување на царините за увоз за сите производи кои доаѓаат од САД.

Ова денес го објави министерката за финансии Гордана Димитриеска Кочоска, која рече дека по овој потег се очекува и реципрочно да возврати САД и да бидат укинати царините за македонските производи.

- Следува целосна либерализација на увозот на стоки од САД,  а со тоа во меѓународната трговија праќаме порака за забрзување на процесот на реципроцитет, рече Димитриеска Кочоска.

Министерката додаде дека нема прецизни информации кога САД ќе возврати на ист начин, но дека таков потег се очекува.

- Работиме нешто во моментов, треба да се стрпиме, па ќе бидеме информирани од министерот за надворешни работи, наведе таа.

Во законските измени за секторот енергетика ќе се намали царинската тарифа за литиум јонските батерии од 15 на 2,7 проценти. Во наредниот период се очекува голем увоз на овие таканаречени „сториџи“ за складирање на електрична енергија која се произведува од обновливи извори.

- Ова е од причина што батериите стануваат клучен елемент во балансирањето на енергијата и одржување на стабилноста на системот, изјави Димитриеска Кочоска.

Наедно со измените се намалување уште 67 тарифники ознаки, а тоа се прави,како што наведе министерката, по консултации со бизнис коморите.

-