Македонија го билда извозот со чоколади и слатки за време на епидемијата
Објавено во: Економија 23 Март, 2020
Извозот на македонските производи се зголемува за време на епидемијата од корона вирус, а директорот на Царинската управа, Ѓоко Танаскоски, за време на овој период забележал дека особено во странските земји се зголемува експортот на чоколади, слатки, бонбони и други производи со шеќер произведени во Македонија.
- Можам да констатирам дека имаме зголемен извоз на кондиторска индустрија, што е многу добро за нашата економија, рече Танаскоски.
Тој додаде дека протокот на стока, кога станува збор и за извозот и за увозот, се движи регуларно и дека нема попречувања. Првиот човек на царината смета дека секое зголемување на еден од двата сегменти е добредојден за Македонија.