Македонската компанија Даути Комерц со инвестиции во Подгорица, Црна Гора
Објавено во: Економија 11 Мај, 2018
Македонската компанија Даути Комерц продолжува со инвестиции надвор од границите на државата. Нова дестинација е Подгорица во Црна Гора, по веќе реализираните инвестиции во Косово и Албанија.
Инвестицијата во Црна Гора која ќе биде официјализирана во недела на 13 мај 2018 година, е со вредност од 3,5 милини евра. Изграден е магацин на големо, за увоз и дистрибуција на мешана стока, каде ќе се третира увезена стока од Македонија, Србија, земји членки на Европската Унија, Азија, Јужна Америка. Со овој деловен потег, Даути Комерц продлжува да ги остварува лидерски цели во сите претставништва во регионот. Компанијата е докажана во успешното пласирање на неколку македонски и меѓународни бренда на пазарите во регионот како што се “Бекутан” на Алкалоид АД Скопје, италијанскиот бренд за тестенина Дивела, млечниот бренд Мегле.
Досега компанијата има вложено 25 милиони евра во различни форми на стопански објекти. Освен увоз работи и извоз што уште повеќе го зголемува нејзиното значење. Континуираното вложување во нови кадри и вработувања, возен парк, шпедитерски услуги, укажува на значајниот придонес кој оваа компанија во домашната економија го има по повеќе основи.
На одбележувањето на почетокот со работа на македонската компанија Даути Комерц во Црна Гора ќе присуствува и претседателот на Стопанската комора на Македонија Бранко Азески со тим од своите соработници.